2012 jyly eldegi fermerlik qojalyqtarǵa 54 myń bas iri qara mal satyp alynady - QR AShM

ASTANA. 1 naýryz. QazAqparat - 2012 jyly eldegi fermerlik qojalyqtarǵa 54 myń bas iri qara mal  satyp alynady, dep habarlaıdy QR Aýyl sharýashylyq mınıstrliginiń baspasóz qyzmeti.

«2012 jyly keshendi is-shara josparymen 12 myń iri qara malynyń ákelinýi josparlanýda. Budan basqa «Sybaǵa» baǵdarlamasy boıynsha 42 myń ІQM basyn satyp alý kózdelgen», - delingen vedomstvo habarlamasynda. 

QR AShM aqparaty boıynsha, 2011 jyly respýblıka boıynsha, Aýyl sharýashylyǵy qurylymdarymen 13 488 bas iri qara ákelindi, 969 fermerlik sharýashylyqtar 55,6 myń bas sıyr satyp alyndy.

Sonymen qatar iri qara mal etiniń eksporttyq áleýetin damytý jobasyn júzege asyrý sheńberinde 17,7 myń orynǵa arnalǵan 5 bordaqylaý alańdary salyndy.

Aýyl sharýashylyǵy mınıstrligi jaqyn jyldary 20 myń oryndyq bordaqylaý alańdarynyń jelisin qurýdy josparlap otyr. Qazirgi ýaqyttyń ózinde 10 myń orynǵa arnalǵan bordaqylaý alańdaryn qurý boıynsha jobalar qaralýda. Sonyń ishinde 1 myń orynǵa arnalǵan bordaqylaý alańynyń qurylysyn qarjylandyrý maquldandy.