2012 jyly «E-learning» jobasy 537 bilim berý uıymynda engiziledi - Bilim mınıstri
ASTANA. 31 qańtar. QazAqparat /Jasulan Joldybaev/ - 2012 jyly «E-learning» jobasy 537 bilim berý uıymynda engiziledi.
Bul týraly búgin Bilim jáne ǵylym mınıstrliginiń keńeıtilgen alqa májilisinde vedomstvo basshysy Baqytjan Jumaǵulov aıtty.
«E-learning» elektrondy oqytý júıesiniń quqyqtyq jáne ádisnmalyq bazasy qalyptasýda. 44 bilim berý uıymynda «E-learning» baǵdarlamasynyń ilki jobasy bastaldy. 2012 jyly olardyń sanyn 537-ge jetkizip, jyldamdyǵy joǵary ınternetpen qamtamasyz etýimiz qajet», - dep atap ótti mınıstr.
B.Jumaǵulov, «E-learning» júıesin tıimdi engizý úshin mınıstrlik apparatyna, oblystyq bilim basqarmalaryna ilki jobaǵa jan-jaqty taldaý jasaýdy bıyldan bastaýǵa tapsyrma berdi. Onyń negizinde jáne álemdik tájirıbeni eskerip, «E-learning» tujyrymdamasyn jetildirý jóninde usynystar berilýi tıis.
«Álemde elektrondy oqytý qarqyndy damý ústinde, sondyqtan bul baǵyttaǵy jumystar asa qajet. Ózekti mindetterdiń biri - Ońtústik Koreıa, AQSh, Ulybrıtanııa, Malaızııa, Kanada, Avstralııa sııaqty bilim salasy damyǵan elderdiń tájirıbesine súıenip, «E-learning» júıesin jáne oqý resýrstarynyń kontentin Qazaqstan jaǵdaıyna beıimdep, damytý», - dep naqtylady vedomstvo basshysy.
