2012 jyly birqatar aımaqtardaǵy salyq organdary qysqartylady - Dáýlet Erǵojın
MATY. 2 qyrkúıek. QazAqparat /Erbol Azanbek/ - 2012 jyly Qazaqstanda birqatar aımaqtyq salyq qurylymdary qysqartylýy múmkin.
Bul qysqartý salyq júıesin reformalaý aıasynda júzege asyrylady. Bul týraly búgin Almatyda bastalǵan «Halyqaralyq salyq júıesi - Qazaqstannyń ınvestıtsııalyq tartymdylyǵynyń faktory retinde» atty salyq konferentsııasynda QR Qarjy mınıstrligi Salyq komıtetiniń tóraǵasy Dáýlet Erǵojın málim etti.
«Bıyldan bastap biz Dúnıejúzilik bankpen birlesip salyq qyzmetin qaıta jańǵyrtý baǵdarlamasyn bastadyq. Qazir ol qarqyndy júrgizilýde, barlyq qujattar Dúnıejúzilik bankpen bekitilgen. Kelesi jyly baǵdarlamanyń óte mańyzdy kezeńi bastalady. Sheteldik keńesshilerimizben birlese otyryp salyq organdarynyń sanyn azaıtý boıynsha birqatar baǵyttardy anyqtadyq. Bizdiń qazirgi kezde Qazaqstan boıynsha 220 keńsemiz bar. Keler jyly bulardyń birqataryn qysqartyp, oblystarda aımaqaralyq keńse ashýdy kózdep otyrmyz»,- dedi D.Erǵojın.
Ol sondaı-aq bul ózgeristiń Atyraý, Mańǵystaý syndy halyqaralyq bıznes damyp otyrǵan aımaqtarda kerisinshe bolatynyn aıtty. Bularda kásibı deńgeıi joǵary salyq qyzmetkerleri kóbeıtilmek. Sonymen qatar ol óz sózinde aımaqtardaǵy qurylymdardyń qysqartylýy esebinen basqa oblystardaǵy qyzmetkerlerdiń jalaqysy kóbeıetindigin de atap ótti.
Eske sala keteıik, atalǵan konferentsııa Salyq komıteti men Qazaqstannyń salyq tóleýshileri qaýymdastyǵynyń uıymdastyrýymen ótkizilip otyr. Konferentsııanyń basty maqsaty - bıznes qaýymdastyqty elimizdegi halyqaralyq salyq aınalymyn jetildirý maqsatyndaǵy ózgeristermen qulaǵdar etý. Sondaı-aq mańyzdy máselelerdi birge talqylap, sheshý, halyqaralyq tájrıbeni zertteý.
