2012 jyly Balyq sharýashylyǵy komıteti 6,5 myńnan astam brakoner ustady

ASTANA. 25 jeltoqsan. QazAqparat - Balyq sharýashylyǵy komıtetiniń aýmaqtyq bólimsheleriniń qyzmetkerlerimen baqylaý-ınspektsııalyq qyzmetin júzege asyrý barysynda 2012 jyly 6 527 zań buzýshyǵa qatysty ákimshilik quqyq buzýshylyq týraly 6 839 hattama toltyryldy. Bul týraly búgin QR Aýyl sharýashylyǵy mınıstrliginde ótken baspasóz máslıhatynda Balyq sharýashylyǵy komıtetiniń bas sarapshysy Aıan Bahııanov málim etti.

"Nátıjesinde buzýshylarǵa 41 mln. asa teńge kóleminde ákimshilik aıyppul salyndy. Sonyń ishinde 32,9 mln. teńgesi (79,8 paıyz) óndirildi. Balyq resýrstaryna keltirilgen zııan úshin 16,8 mln. teńge kóleminde talap qoıyldy", - dedi ol.

Komıtet málimetteri boıynsha, quqyq buzýshylardan 172,5 mln. teńgege baǵalanatyn 37 tonna balyq, sonyń ishinde 402 keli - bekire tuqymdas balyqtar. 9335 zańsyz balyq aýlaý quraldary, 318 júzý jáne kólik quraldary tárkilengen.