2012 jyly bala týýyna baılanysty beriletin bir rettik járdemaqyny taǵaıyndaýdyń elektrondyq qyzmeti júzege asyrylady
ASTANA. Qyrkúıektiń 21-i. QazAqparat /Marlan Jıembaı/ - Eńbek jáne halyqty áleýmettik qorǵaý mınıstrligi 2012 jyly bala týýyna baılanysty beriletin bir rettik járdemaqyny taǵaıyndaýdyń elektrondyq qyzmetin júzege asyrmaq. Bul týraly búgin QR Premer-Mınıstri Kárim Másimovtiń tóraǵalyǵymen ótken Úkimettiń kóshpeli otyrysynda Eńbek jáne halyqty áleýmettik qorǵaý mınıstri Gúlshara Ábdiqalyqova aıtty.
«2012 jyly normatıvtik-quqyqtyq aktiler ózgertilip, jeke esep shoty bar ekendigi týraly ekinshi deńgeıli bankterden aqparat alynǵan soń jáne AQAJ organdarymen aqparattyq yqpaldastyq jolǵa qoıylǵannan keıin júrgiziletin eń qajetti is-shara bala týýyna baılanysty beriletin bir rettik járdemaqyny taǵaıyndaýdyń elektrondyq qyzmetin júzege asyrý josparlanyp otyr», dedi mınıstr óz sózinde.
Onyń atap ótýinshe, mınıstrlik qazirgi ýaqyt e-úkimet aıasynda halyqqa elektrondyq qyzmetterdiń 12 túrin kórsetip otyr. Sonymen qatar áleýmettik kómek alýǵa quqy bar azamattarǵa aqparattyq qyzmet kórsetýdi jaqsartý jáne olardyń Zeınetaqy tóleý memlekettik ortalyqtaryna ótinish jasaýy barysynda qajetti aqparattardy daıyndap berý ýaqytyn qysqartý maqsatynda áleýmettik salalardyń aqparattyq júıesine qoǵamdyq ený pýnktterin ashý boıynsha is-sharalardy júrgizýde. Qazirgi tańda bundaı ortalyq tek Astana qalasynda ǵana bar. Mınıstrlik jyl sońyna deıin elimizdiń barlyq oblystarynda osyndaı ortalyqtardy qurýdy josparlap otyr.
Degenmen Zeınetaqy tóleý memlekettik ortalyqtarynyń materıaldyq-tehnıkalyq jabdyqtaýda birqatar problemalardyń bar ekendigin atap ótken G.Ábdiqalyqova «tolyǵymen alǵanda biz 11 jylda aqparattyq júıege 4 mıllıard teńgege jýyq qarjy jumsadyq. Meniń oıymsha, nátıjesinde áleýmettik qamsyzdandyrýdyń aǵymdyq baǵdarlamalaryn tıimdi ákimshileý qamtamasyz etildi», dep qorytty sózin.
