2012 jyly Azyq-túlik kelisim shart korporatsııasy elektrondyq aýktsıon arqyly 1 mln. tonnadan astam astyq ótkizdi
ASTANA. 10 qańtar. QazAqparat - 2012 jyldyń qorytyndysy boıynsha «Azyq-túlik kelisim shart korporatsııasy» ulttyq kompanııasy» AQ «Eýrazııa saýda júıesi» (ESJ) taýar bırjasynda jasyryn aýktsıon arqyly ótkizgen astyqtyń jalpy kólemi 1 mln. tonnadan asty. Bul rette eń joǵary baǵa tonnasyna 47 064 teńgeni (QQS qosa) qurady.
Azyq-túlik kelisim shart korporatsııasy 3 synypty jumsaq bıdaıdy kommertsııalyq satý maqsatynda Qazaqstannyń astyq rynogynda birinshi ret jasyryn elektrondy bırjalyq aýktsıondardy ótkizýdi bastaǵanyn esterińizge salamyz.
Jasyryn bırjalyq aýktsıon - bul saýda tártipteriniń barynsha aıqyndyǵyn, qoljetimdiligin jáne tıimdiligin qamtamasyz etetin ESJ bırjasyndaǵy elektrondyq onlaın-saýda sattyq rejımi. Saýdaǵa bir satýshy jáne kóptegen jasyryn satyp alýshylar qatysady. Nátıjesinde saýda kezinde qalyptasqan naryq konıýnktýrasyn eskeretin obektıvti naryq baǵasyna qol jetkiziledi.
Sonymen, alǵashqy saýda-sattyq 2012 jylǵy 17 qazanda ótkizildi. 20 myń tonna astyq shyǵaryldy: 5 000 tonnadan 4 lot, bastapqy baǵasy tonnasyna 45 000 teńgeni (QQS qosa) qurady. Onyń qorytyndysy boıynsha tonnasy 45 010 teńgeden 5 myń tonna astyq - 1 lot satyldy.
Birinshi saýdanyń tájirıbesin eskerip, Azyq-túlik kelisim shart korporatsııasy astyqty ótkizý sharttaryna ózgertýler engizgenin atap aıtý kerek, bul saýda-sattyqty ótkizýdi jedeldetti. Yqtımal satyp alýshylarǵa qarjy uıymdarynyń kepildemesimen 9 jáne 10 aıǵa aýktsıonda satyp alǵan astyqqa tólem merzimderin uzartý múmkindigi beriledi. Sońǵysynyń «Standard & Poor's» agenttigimen berilgen «V-» reıtınginen tómen emes boryshtyq reıtıngi bar nemese basqa reıtıng agenttikteriniń bireýine uqsas deńgeıdegi reıtıngi bolýy tıis.
Nátıjesinde 2012 jylǵy qazannyń ortasynan bastap jeltoqsannyń sońyna deıingi kezeńde ESJ saýdasy boıynsha Azyq-túlik kelisim shart korporatsııasy 1 mln. tonnadan astam astyq satty.
Azyq-túlik kelisim shart korporatsııasy men ESJ arasynda yntymaqtastyqtyń damýynyń kezekti satysy ESJ janynan Astyq jónindegi bırja komıtetiniń qurylýy boldy. Komıtettiń basty mindeti astyqpen bırjalyq saýda-sattyqtyń odan ári damýynyń strategııasy men quraldaryn ázirleý bolyp belgilendi.
«Eýrazııa saýda júıesi» saýda bırjasy AQ Basqarma tóraǵasy Qurmet Orazaevtyń aıtýynsha, komıtet astyqpen saýda-sattyqtyń tártibi men sharttaryn ońtaılandyrýǵa, astyq naryǵy boıynsha ortaq aqparattyq bazany qurýǵa, úderisterdi, onyń ishinde logıstıkalyq úderisterdi bir izge salýǵa múmkindik beredi.
