2012 jyly Astanaǵa jarty mıllıonnan astam týrıst keldi
ASTANA. 4 qańtar. QazAqparat - Astananyń týrızm, dene tárbıesi jáne sport basqarmasynyń aldyn ala málimeti boıynsha ótken jyly elordaǵa 522,9 myń týrıst kelip, onyń ishinde 117,5 myńy shetelden saparlaǵandar.
Jyl ishinde týrıster sany 43,9 myń adamǵa nemese 9,2 paıyzǵa artqan kórinedi.
Astana ákimdigi baspasóz qyzmetiniń málimetinshe, sonymen qatar syrtqa shyǵatyn týrızmniń de kórsetkishteri joǵarylady. Eger de 2011 jyly ol 24, 2 myń adamdy qurasa, 2012 jyly 27,3 myńǵa jetip, 12,8 paıyzǵa artyq boldy.
Budan bólek, qonaq úılerdiń tolyǵýynyń kórsetkishteri kelimdi týrızmniń turaqty ósimin baıqatýda. Búginde Astanada 172 qonaq úı qyzmet kórsetýde. Olardyń nómirlik qory 7 162 oryn kóleminde 5 124 nómirdi qurap otyr.
Týrızmniń ońtaıly qarqyny kóbinese jergilikti atqarýshy organdar men týrızm salasynda úkimettik emes uıymdardyń birlesken sátti jumystarynyń arqasynda múmkin bolýda. Qazirgi kezde qalada 169 týrıstik fırma jumys isteıdi.
