2012 jyly Astanada «Jumyspen qamtý-2020» baǵdarlamasy úsh baǵyt boıynsha iske asyrylady
dep habarlady Astana qalasynyń Jumyspen qamtý ortalyǵynyń dırektory Amanjol Ábdirahmanov Pm.kz saıtyna bergen suhbatynda.
«2012 jyly Baǵdarlamanyń birinshi baǵyty - azamattardy oqytý jáne eńbekpen qamtý boıynsha jumys jalǵasady. Osylaısha, aǵymdaǵy jyly 1733 adam oqytylady. 2012 jyldyń 25 aqpanyndaǵy jaǵdaı boıynsha, 66 adam oqýǵa kiristi», dedi A.Ábdirahmanov.
Al jastar tájirıbesin uıymdastyrýdyń aıasynda 300 adamdy jumysqa turǵyzý úshin respýblıkalyq bıýdjetten 55,7 mln. teńge bólinip otyr.
Jalaqyny jartylaı sýbsıdııalaý shartymen áleýmettik jumyspen qamtý boıynsha da jumys ári qaraı jalǵastyrylady. Aǵymdaǵy jyly 55 adam áleýmettik jumys oryndarymen qamtylmaq.
«Aýyldaǵy kásipkerlikti damytýdy qoldaýdyń aıasynda uıymdastyrý jumystary qolǵa alynýda, baǵdarlamanyń 30 áleýetti qatysýshysyna kásipkerlik negizderin oqytý jáne mıkronesıeler berý josparlanýda. Úshinshi baǵyt - eńbek resýrstarynyń utqyrlyǵyn arttyrý sharalarynyń aıasynda jumyssyz, turmysy tómen jáne óz-ózderin jumyspen qamtyp otyrǵan azamattardyń qatarynan 108 otbasyny qonys aýdarý úshin kóppáterli turǵyn úıdiń qurylysy josparlanýda», dep atap kórsetti elordalyq Jumyspen qamtý ortalyǵynyń dırektory.