2012 jyly Astanada 30 adamǵa kásipkerliktiń «álippesi» úıretiledi - «Jumyspen qamtý-2020»
ASTANA. 19 qańtar. QazAqparat /Jasulan Joldybaev/ - 2012 jyly Astanada «Jumyspen qamtý-2020» baǵdarlamasy aıasynda 30 adam kásipkerlik negizderine oqytylyp, bıznesterin júrgizýge shaǵyn nesıeler alady.
Bul týraly búgin Astana ákimdiginde ótken dóńgelek ústel otyrysy barysynda QR Eńbek jáne halyqty áleýmettik qorǵaý mınıstrligi Halyqty jumyspen qamtý saıasaty basqarmasynyń bastyǵy Vıktor Býss málim etti.
«Jumyspen qamtý-2020» baǵdarlamasy usynyp otyrǵan quraldar óziniń sıpaty jaǵynan óte keń aýqymdy qamtymaq. 2012 jyly Astanada 30 qazaqstandyqty kásipkerlik negizderine oqytyp, baǵdarlama qatysýshylaryna shaǵyn nesıeler berý josparlanýda», - dep atap kórsetti V. Býss.
Onyń sózine qaraǵanda, elordada jeke kásipti ashý múmkindigi óte joǵary. «Menińshe, baǵdarlamanyń kásipkerlikti qoldaýdyń atalmysh quraly keńinen damytylýy tıis», - dedi ol.
