2012 jyly Astanada 13 366 páter paıdalanýǵa berildi
ASTANA. 17 qańtar. QazAqparat - 2012 jyldyń qańtar-jeltoqsan aılarynda turǵyn úı qurylysyna baǵyttalǵan ınvestıtsııa kólemi 61217,7 mln. teńge boldy.
Bul 2011 jylmen salystyrǵanda 76,6%-dy quraıdy. Investıtsııanyń jalpy kóleminde turǵyn úı qurylysynda ıgerilgen negizgi qarajattyń úlesi 9,9%, - dep habarlaıdy Astana qalasynyń Statıstıka departamenti.
Elordanyń resmı saıtynyń jazýynsha, barlyq qarjylandyrý kózi esebinen 13 366 páter paıdalanýǵa berildi. Paıdalanýǵa berilgen turǵyn úıdiń jalpy alańy 1 292 858 sharshy metrdi quraıdy. Bul 2011 jylǵy deńgeıden 7,9% tómen. Jeke úı salýshylar jalpy kólemi 54 269 sharshy metr úı turǵyzdy. Bul 2011 jylǵy deńgeıdiń 75,6% -y. Jeke turǵyn úı salýshylardyń úlesi paıdalanýǵa berilgen jalpy turǵyn úılerdiń 4,2%-yn quraıdy. 2011 jyly ol 5,1% bolǵan.
Qurylystyń naqty ortasha baǵasy jalpy turǵyn úı kóleminiń 1 sharshy metrine 2012 jyldyń qańtar-jeltoqsan aılarynda elordada 90,7 myń teńgeni (2011 jyly - 90,0 myń teńge), al qurylystyń paıdaly 1 sharshy metrine naqty ortasha baǵasy 123,5 myń teńge (2011 jyly - 118,5 myń teńge), sonyń ishinde jeke úı salýshylar qurylysynyń baǵasy 46,0 myń teńge boldy.
