2012 jyly álemdik avtomobıl naryǵy 4 paıyzǵa ósýi múmkin

Reno (Renault) tobynyń boljamyna qaraǵanda, byltyr dúnıejúzilik avtomobıl naryǵy 5,3 paıyzǵa ósti. Kompanııanyń baspasóz qyzmetiniń habarlaýynsha, top bıyl Eýropadan tysqary jatqan kúshti naryqtardaǵy óziniń ósimin jalǵastyrmaq. Ol eýropalyq naryqtaǵy óz ornyn saqtap qalady. Boljam boıynsha eýropalyq naryq bıyl jalpy alǵanda 3 paıyzǵa (Frantsııada  7%) tómendeýi múmkin.

«Turaqsyz ekonomıkalyq jáne qarjylyq orta jaǵdaıynda Renault tobynda 2012 jyly óz ornyn saqtap qalýǵa múmkindik beretin birqatar artyqshylyqtar bar. Osy jyly Eýropada jáne halyqaralyq naryqtarda jańa ónimderdiń aýqymdy óndirisi bastalmaq. Naryqta jalpy eseppen 9 jańa úlgi jáne jańartylǵan 10 nusqasy usynylatyn bolady», - deıdi toptyń Satylym, marketıng jáne kommertsııalyq kólik jónindegi atqarýshy vıtse-prezıdenti, Eýropalyq aımaqtaǵy operatsııalyq dırektory Jerom Stoll.

Onyń aıtýynsha, 2011 jyly dúnıejúzilik naryq Reseı (+40%), Túrkııa (+13%) jáne Latyn Amerıkasy (+10%) naryǵynyń ósýi arqasynda múmkin boldy. Al Eýropada naryq turaqty qalybyn saqtady (-0,5%). Atap aıtqanda, Nıderlandy (+16%), Germanııa (+9%), Avstrııa (+9%), Belgııa jáne Lıýksembýrgte  (+5%) ósse,  Portýgalııa (-30%), Ispanııa (-17%), Italııa (-10%), Ulybrıtanııa (-2%)  men Frantsııada (-1,3%) ol kemidi.