2012 jyly álemde jýrnalısterdiń rekordty sany qaza tapty
ASTANA. 23 qarasha. QazAqparat - 2012 jyl bastalǵaly ózderiniń qyzmettik mindetterin atqarý barysynda 19 jýrnalıst mert boldy,
dep habarlady Halyqaralyq baspasóz ınstıtýtynyń (International Press Institute, IPI) baıandamasyna silteme jasap, Lenta.ru . Halyqaralyq baspasóz ınstıtýty (IPI) 1997 jyldan beri esepter jasap keledi, 2012 jyl qaza bolǵan jýrnalısterdiń sany boıynsha rekordty jyl boldy.
BAQ qyzmetkerleri úshin eń qaýipti el Sırııa boldy, onda 2011 jyldyń naýryz aıynan bastap oppozıtsııalyq qurylymdardyń úkimet kúshterimen qarýly qaqtyǵystary jalǵasýda. Sırııada 36 jýrnalıst qaza boldy. Bul rette, IPI-nyń pikirinshe, kóp jaǵdaılarda tilshiler «shıelenistiń kez kelgen tarapynyń nasıhattyq kúsh-jigerlerine kedergi keltirýi múmkin aqparattardyń taralýyn toqtatý maqsatynda» qasaqana óltirildi. Reıtıngtiń ekinshi ornynda Somalı tur. Ol jerde bir jyl ishinde 16 tilshi kóz jumdy.
Eń qaýipti óńirlerdiń tizimine Taıaý Shyǵys pen Afrıka, sondaı-aq Meksıka, Pákistan jáne Fılıppın memleketteri endi.
Halyqaralyq baspasóz ınstıtýty usynǵan málimetterge qaraǵanda, 2011 jyly álemde - 82, al 2010 jyly 102 jýrnalıst ajal qushty.
