2012 jyly 20 myń bas iri qaraǵa arnalǵan bordaqylaý alańdary qurylatyn bolady - «QazAgro» AQ
ASTANA. 31 qańtar. QazAqparat /Qanat Mámetqazyuly/ - 2012 jyly 20 myń bas iri qaraǵa arnalǵan bordaqylaý alańdary qurylatyn bolady.
Búgin Aýyl sharýashylyǵy mınıstrliginde ótken brıfıng barysynda «QazAgro» ulttyq basqarýshy holdıngi» AQ Investıtsııalyq jobalar departamentiniń dırektory Narmuhan Sarybaev osylaı málim etti.
Holdıng ókiliniń aıtýynsha, byltyrdan beri iri qara maldyń et óndirisiniń eksporttyq áleýetin damytý boıynsha keń aýqymdy jańa joba júzege asa bastady. Jobanyń maqsaty - et óndirisindegi fermerlik sharýashylyqtardy qoldaý men damytý, taýarlyq tabyndardy qalyptastyrý.
«Jalpy joba aıasynda 2500-ge deıin fermerlik sharýashylyqty qurý josparlanyp otyr. Aǵymdaǵy jyly baǵdarlamanyń júzege asýyna 21,2 mlrd. teńge somasynda nesıelik resýrstar qamtamasyz etiledi. Sonymen qatar, 2012 jyly biz 20 myń bas iri qara malǵa arnalǵan bordaqylaý alańdaryn quratyn bolamyz. Búgingi kúni 16 myń basqa arnalǵan joba júzege asýda», - deıdi N. Sarybaev.
