2012 jylmen salystyrǵanda bıdaı egisteri 329 gektarǵa kemıdi - QR AShM

ASTANA. 25 aqpan. QazAqparat - 2013 jyly egis alqaby 21,5 mln. gektardy quraıdy dep boljanýda. Bul jóninde búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Aýyl sharýashylyǵy mınıstri Asyljan Mamytbekov málim etti.

«Bıylǵy jyly oblys ákimdikteri aýyl sharýashylyǵy basqarmalarynyń derekterine sáıkes, aýyl sharýashylyǵy daqyldarynyń alqaby 21,5 mln. gektardy quraıdy dep boljanýda. Bul kórsetkish 2012 jylǵy deńgeımen shamalas. Onyń ishinde kóktemgi egis alqaptary 18,5 mln. gektar kóleminde bolmaq», - dedi mınıstr.

Vedomstvo basshysynyń aıtýynsha, 2012 jylmen salystyrǵanda bıdaı egisteri 329 gektarǵa kemıdi (2 paıyz) dep josparlanyp otyr.

2013 jyly maıly daqyldar 1,8 mln. gektardy, maqta - 148 myń gektardy, kókónis jáne baqsha daqyldary men kartop - 393 myń gektar alqapty, azyqtyq egister - 3 mln. gektar jerdi qamtymaq.