2012 jylǵy tamyzda kúnkóristiń eń tómengi deńgeıi 18 041 teńgeni qurady
ASTANA. 3 qyrkúıek. QaAzqapart - Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2012 jylǵy tamyzda ótken aımen salystyrǵanda 6,3 paıyzǵa, 2011 jylǵy tamyzǵa qaraǵanda - 4,1 paıyzǵa ósti.
Bul jaıynda QR Statıstıka agenttigi habarlap otyr.
Onyń qurylymynda et pen balyqty satyp alýǵa jumsalǵan shyǵystardyń úlesi 21,7 paıyzdy, sút, maı jáne toń maı ónimderi men jumyrtqa - 14,4 paıyz, jemister men kókónisterdi - 14,8 paıyzy, nan jáne jarma ónimderin - 7 paıyz, qant, shaı jáne dámdeýishterdi alýǵa - 2,1 paıyzdy qurady.
Aıta keteıik, eń tómengi kúnkóris deńgeıi - mólsheri boıynsha eń tómengi tutyný qorjynynyń qunyna teń, bir adamǵa qajetti eń tómengi aqshalaı tabys. Eń tómengi tutyný qorjyny adam tirshiligin qamtamasyz etýge qajetti tamaq ónimderiniń, taýarlar men kórsetiletin qyzmetterdiń zattaı jáne qundyq kórinistegi eń tómengi jıyntyǵy bolyp tabylady. Ol azyq-túlik qorjynynan jáne azyq-túlik emes taýarlar men aqyly qyzmetterge jumsalatyn shyǵystardyń bekitilgen úlesinen turady. Azyq-túlik qorjynyna 43 tamaq ónimderiniń ataýlary kiredi. Kúnkóristiń eń tómengi deńgeıin esepteýge arnalǵan az tutynylatyn azyq-túlik emes taýarlar men kórsetiletin qyzmetterge jumsalatyn shyǵystardyń belgilengen úlesi eń tómengi tutyný qorjyny qunynyń 40 paıyzdyq mólsherinde belgilengen.
Kúnkóristiń eń tómengi deńgeıiniń shamasy Qazaqstan Respýblıkasynyń (1999j. 16 qarashadaǵy №474-I) «Eń tómen kúnkóris deńgeıi týraly» Zańynyń normalaryna sáıkes eseptelinedi.
