2012 jylǵy tamyzda Qazaqstan Respýblıkasyndaǵy ınflıatsııa 0,3 paıyzdy qurady
ASTANA. 3 qyrkúıek. QaAzqapart - Baǵa azyq-túlik taýarlaryna ótken aıda 0,2 paıyzǵa, azyq-túlik emes taýarlarǵa - 0,3 paıyzǵa, aqyly qyzmetterge - 0,4 paıyzǵaǵa ósti. Bul jaıynda QR Statıstıka agenttigi habarlap otyr.
Ótken aıda baǵanyń tómendeýi jarmalarǵa 3%, kartopqa - 1,9%, jumyrtqaǵa - 1,5%-ǵa, jańa jınalǵan jemister men kókónisterge, qantqa - 0,2%-dan tirkeldi. Baǵanyń joǵarylaýy unǵa 5,6%, makaron ónimderine - 1,8%, toqash jáne unnan daıyndalatyn kondıterlik ónimderge - 1,1%-ǵa, kúnbaǵys maıyna, alkogolsiz sýsyndarǵa - 0,4%, nanǵa, kúrishke, balyq jáne teńiz ónimderine - 0,3%-dan, etke jáne qus etine - 0,2%-ǵa belgilendi.
Baǵa keńse taýarlary jáne syzba quraldaryna 3,3%, oqýshylardyń sómkesine - 3%, balalar kıimine - 0,9%, kitaptarǵa - 0,6%-ǵa, farmatsevtıkalyq ónimderge, jeke kútimge arnalǵan taýarlarǵa - 0,2%-dan ósti. Dızel otyny 0,3%-ǵa arzandady.
Baǵa deńgeıi kólik, shashtarazdar men jeke qyzmet kórsetý oryndary qyzmetterine 0,3%-dan, demalys, oıyn-saýyq jáne mádenıet - 0,4%, densaýlyq saqtaý - 0,6%, qonaq úıler - 0,8%, bala-baqsha - 1%-ǵa ósti.
Turǵyn úı-kommýnaldyq qyzmetter salasynda tarıfter kárizge 1,6%, ortalyqtan jylytýǵa - 1%, sýmen jabdyqtaýǵa - 0,7%-ǵa ósti, al elektr energııasyna - 0,3%-ǵa tómendedi.
