2012 jylǵy Olımpıada chempıony Zıka vırýsyn juqtyrdy
ASTANA. QazAqparat - 4h100 m estafetada 2012 jylǵy Olımpıada chempıony, qysqa qashyqtyqtaǵy ıamaıkalyq jelaıaq Kemar Beılı-Koýl Zıka vırýsyn juqtyrdy. Bul týraly sportshy Gleaner basylymynda habarlady, dep málimdedi TASS.
24 jastaǵy jeńil atlet kelesi aptada ótetin olımpıada aldynda ótetin týrnırge daıyndyqtyń ótý barysyna az-maz alańdaýly ekenin atap ótti. «Densaýlyǵymnyń qalpyna kelýi ońaı bolmaı tur. Denemde bórtpe áli de bar, kózim aýyrady. Ońalý jaǵynan aıtsam, tek bulshyq etterimniń aýyrǵany basyldy», - dedi Beılı-Koýl.
Sprınter shashtarazǵa barǵansha, vırýsty juqtyrǵanyn bilmegen, «Shashymdy qıǵannan keıin qurbym moıynymnan isikti baıqady, ol lımfalyq túıin bolyp shyqty», - dedi sportshy.
Zıka vırýsynan bolatyn bezgek uzaq ýaqyt adam ómiri úshin qaýipsiz sanalyp keldi. Alaıda Brazılııada keńinen tarala bastaǵanda, vırýstyń qaıtymsyz saldary bary anyqtaldy. Al aýrýdyń asqynýy jedel ǵylymı zertteý jasaý qajettigin talap etedi. Aqpannyń basynda DDSU Ońtústik jáne Soltústik Amerıka elderinde paıda bolǵan Zıka bezgegin tótenshe ári qaýipti aýrý dep tanydy.
Qazir vırýs juqtyrǵandar Latyn Amerıkasynyń 20-dan astam elderinde, Karıb basseıni, AQSh, Eýropanyń birneshe memleketterinde tirkelgen.
