2012 jylǵy naýryzda kúnkóristiń eń tómengi deńgeıiniń mólsheri 16 myń teńgeni qurady

Statıstıka agenttiginiń málimetine qaraǵanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2012 jylǵy naýryzda ótken aımen salystyrǵanda 0,7 paıyzǵa, 2011 jylǵy naýryzǵa qaraǵanda - 2,9 paıyzǵa ósti. Onyń qurylymynda et pen balyqty satyp alýǵa jumsalǵan shyǵystardyń úlesi 23,7 paıyzǵa, sút, maı jáne toń maı ónimderi men jumyrtqaǵa - 16,6 paıyz, jemister men kókónisterge - 9,5 paıyz, nan jáne jarma ónimderine - 7,9 paıyzdy, qant, shaı jáne dámdeýishterge shyǵystar - 2,3 paıyzdy qurady.

Eń tómengi kúnkóris deńgeıi - mólsheri boıynsha eń tómengi tutyný qorjynynyń qunyna teń. Al eń tómengi tutyný qorjyny adam tirshiligin qamtamasyz etýge qajetti tamaq ónimderiniń, taýarlar men kórsetiletin qyzmetterdiń zattaı jáne qundyq kórinistegi eń tómengi jıyntyǵy bolyp tabylady. Ol azyq-túlik qorjynynan jáne azyq-túlik emes taýarlar men aqyly qyzmetterge jumsalatyn shyǵystardyń bekitilgen úlesinen turady. Kúnkóristiń eń tómengi deńgeıin esepteýge arnalǵan az tutynylatyn azyq-túlik emes taýarlar men kórsetiletin qyzmetterge jumsalatyn shyǵystardyń úlesi eń tómengi tutyný qorjyny qunynyń 40 paıyzdyq mólsherinde belgilengen.