2012 jylǵy naýryzda Qazaqstannyń 17 000 000-shy turǵyny ómirge keledi - demograf Erbolat Musabekov
ALMATY. 7 shilde. QazAqparat /Erlik Erjanuly/ - Bıyl 31 qazanda jer turǵyndarynyń sany 7 mıllıard adamǵa jetedi.
Bul týraly búgin Almatyda ótip jatqan "Ortalyq Azııadaǵy ólim-jitim" dep atalatyn halyqaralyq semınarda aıtyldy.
" 2004 jyldyń 28 mamyrynda Qazaqstannyń 16 000 000-shy turǵyny ómirge kelgen bolatyn. Onyń esimi - Perızat Óskenbaeva. Shyǵys Qazaqstan oblysy Aıagóz aýdanyndaǵy Bozaı degen eldi mekende ómirge keldi. Al onyń syńary Bekzat Óskenbaev - 16 000 001 qazaqstandyq boldy", - deıdi QR Statıstıstıka agenttiginiń Áleýmettik jáne demografııalyq statıstıka departamenti dırektorynyń orynbasary Erbolat Musabekov. Onyń aıtýynsha, Qazaqstanyń 17 000 000-shy turǵyny 2012 jyldyń naýryz aıynda ómirge keledi dep boljanýda. Jalpy Keńes odaǵy qulap, odaqtas respýblıkalar óz táýelsizdikterin jarııalaǵannan keıin Qazaqstanda 1992-1997 jyldary ózge ulys ókilderiniń birqatary óz elderine qonys aýdarǵandyqtan, halyq sanynyń azaıý úrdisi júrgen bolatyn.
