2012 jylǵy qyrkúıekte halyqtyń jan basyna shaqqandaǵy ortasha ataýly aqshalaı tabystary 7,4 paıyzǵa artty
ASTANA. 13 qarasha. QazAqparat - 2012 jylǵy qyrkúıekte halyqtyń jan basyna shaqqandaǵy ortasha ataýly aqshalaı tabystary aldyn ala berilgen derekter boıynsha 50520 teńgeni qurap, 2011 jylǵy tıisti kezeńmen salystyrǵanda 7,4%-ǵa artty. Naqty aqshalaı tabystar 2,3%-ǵa ósti. Bul jaıynda QR Statıstıka agenttiginiń málimetterinde habarlanǵan.
2012 jylǵy qyrkúıekte jan basyna shaqqandaǵy ortasha aqshalaı tabystardyń kólemi boıynsha áli de Atyraý oblysy, Almaty qalasy jáne Mańǵystaý oblysy aldyńǵy qatarda, munda osy kórsetkish ortasha respýblıkalyq deńgeıden 2,3-1,8 esege artyq.
2012 jylǵy qyrkúıekte tabystary eń tómen óńirler qatarynda Ońtústik Qazaqstan, Jambyl jáne Almaty oblystary belgilendi. Osy óńirlerde halyqtyń tabys mólsheri respýblıkalyq deńgeıden ortasha 60,9% - 76,7% qurady. Sonymen qatar, halyqtyń naqty aqshalaı tabystarynyń eń kóp ósý qarqyny Aqtóbe, Qaraǵandy jáne Pavlodar oblystarynda belgilendi.
2012 jylǵy qyrkúıekte óńirler boıynsha ataýly aqshalaı tabystardyń eń joǵary jáne eń tómen mólsherleri arasyndaǵy mólsher arasalmaq 3,7 eseni qurady (2011 jylǵy qyrkúıekte - 3,8 ese).
