2012 jylǵy qarashada azyq-túlik taýarlarynyń baǵasy 4,8 paıyzǵa ósti
ASTANA. 4 jeltoqsan. QazAqparat - 2012 jylǵy qarashada 2011 jylǵy tıisti aımen salystyrǵanda baǵa balyq jáne teńiz ónimderine 6%-ǵa,
makaron ónimderine - 5,9%, toqash jáne un ónimderine - 5,8%, kofe, shaı jáne kakaoǵa - 5,3%, kondıterlik ónimderge, alkogoldi ishimdikterge - 4,8%-dan, unǵa - 4,4%, sút ónimderine - 3,6%, jemister men kókónisterge - 3%, nanǵa - 2,3%-ǵa ósti. Bul jaıynda QR Statıstıka agenttiginiń baspasóz qyzmeti habarlap otyr.
Baǵanyń tómendeýi jarmalarǵa 29,1%, qantqa - 6,6%, maı jáne toń maıǵa - 2%-ǵa baıqaldy.
Atalǵan kezeńde et jáne et ónimderi baǵasynyń ósimi 9,9% qurady. Shoshqa etine baǵa deńgeıi 13,3%, jylqy etine - 12,4%, qoı etine - 11,7%, sıyr etine - 11,4%, shujyq ónimderine - 5,7%, qus etine - 5,6%-ǵa joǵary boldy.
