2012 jylǵy qańtarda jumyssyzdar sany 490 myń adamdy qurady
ASTANA. 15 aqpan. QazAqparat -2012 jylǵy qańtarda jumyssyzdar sany 490 myń adamdy qurady. Bul týraly búgin Astanada bıylǵy qańtardaǵy áleýmettik-ekonomıkalyq damýǵa arnalǵan brıfıngte QR Statıstıka agenttiginiń tóraǵasy Álıhan Smaıylov málim etti.
«Halyqtyń jan basyna shaqqandaǵy ortasha ataýly aqshalaı tabystary 2011 jylǵy jeltoqsanda 54 myń 260 teńgeni qurap, 2010 jylǵy jeltoqsanmen salystyrǵanda 18,2 paıyzǵa ósti»,-dedi agenttik basshysy.
Sonymen qatar, ótken jylǵy jeltoqsanda qyzmetkerlerge eseptelgen ortasha aılyq ataýly jalaqy 119 myń 114 teńge boldy.
«2012 jylǵy qańtarda jumyssyzdar sany 490 myń adamdy qurady. Jalpy jumyssyzdyq deńgeıi ekonomıkalyq belsendi halyq sanymen salystyrǵanda 5,5 paıyz kórsetkishinde»,-dedi Á. Smaıylov.
Jumyspen qamtý organdaryna jumyssyzdar retinde tirkelgender ótken aıdyń sońynda 47,8 myń adamdy quraǵan eken.
