2012 jylǵy qańtarda kúnkóristiń eń tómengi deńgeıiniń mólsheri 15 817 teńgeni qurady-QR Statıstıka agenttigi
ASTANA. 1 aqpan. QazAqparat - 2012 jylǵy qańtarda kúnkóristiń eń tómengi deńgeıiniń mólsheri 15 817 teńgeni qurady.
QR Statıstıka agenttiginiń málimetinshe, Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń mólgeri 2012 jylǵy qańtarda ótken aımen salystyrǵanda 1,3 paıyzǵa, 2011 jylǵy qańtarmen - 8 paıyzǵa ósti.
Onyń qurylymynda et pen balyqty satyp alýǵa jumsalǵan shyǵystardyń úlesi 23,4 paıyzdy, sút, maı jáne toń maı ónimderi men jumyrtqaǵa - 16,8 paıyz, jemister men kókónisterdi alýǵa - 9,6 paıyz, nan jáne jarma ónimderine - 8 paıyz, sondaı-aq qant, shaı jáne dámdeýishterge shyǵystar 2,2 paıyzdy qurady.
