2012 jylǵy qańtar-shildede ótken jyldyń sáıkes kezeńimen salystyrǵanda Qazaqstanǵa kelgender sany 12,8 paıyzǵa azaıdy
ASTANA. 14 qyrkúıek. QazAqparat - 2012 jylǵy qańtar-shildede ótken jyldyń sáıkes kezeńimen salystyrǵanda Qazaqstanǵa kelgender sany 2626 adamǵa nemese 12,8 paıyzǵa azaıdy jáne 17974 adamdy qurady.
Bul týraly búgin brıfıngte QR Statıstıka agenttiginiń basshysy Álıhan Smaıylov málim etti.
Qazaqstannan ketkender sany da 678 adamǵa nemese 4,1 paıyzǵa azaıyp, 15751 adamdy qurady.
«Elimizdegi negizgi kóshi-qon almasýy TMD memleketterine tıesili. TMD elderinen kelgenderdiń jáne sol elderge ketkenderdiń úlesi, tıisinshe, 15063 (83,8%) jáne 14952 adamdy (94,9%) qurady. 2012 j. qańtar-shildede el ishinde qonys aýdaratyn kóship-qonýshylar sany 1192 adamǵa nemese 0,6 paıyzǵa azaıyp, 193601 adamdy qurady», - dedi agenttik basshysy. Óńiraralyq qonys aýdarý boıynsha halyq kóshi-qonynyń oń aıyrymy elimizdiń 5 óńirinde baıqaldy, onyń ishinde mólsheri jaǵynan eń kóbi Astana (11743 adam) jáne Almaty (3571 adam) qalalarynda jáne Almaty oblysynda (3370 adam).
