2012 jylǵy qańtar-aqpanda negizgi kapıtalǵa salynǵan ınvestıtsııalar kólemi 457,2 mlrd. teńgege jetti - QR Statıstıka agenttigi
ASTANA. 14 naýryz. QazAqparat -Qysqa merzimdi ekonomıkalyq ındıkator 2012 jylǵy qańtar-aqpanda 2011 jylǵy qańtar-aqpanǵa qaraǵanda 104,6 paıyzdy qurady.
QR Statıstıka agenttiginiń málimetinshe, qysqa merzimdi ekonomıkalyq ındıkatordy esepteý jedeldilikti qamtamasyz etý maqsatynda júzege asyrylady jáne ishki jalpy ónimniń 67-68 paıyzyn quraıtyn aýyl sharýashylyǵy, ónerkásip, qurylys, saýda, kólik jáne baılanys sııaqty negizgi salalar boıynsha shyǵarylym ındeksteriniń ózgerýine negizdeledi.
2012 jylǵy qańtar-aqpanda negizgi kapıtalǵa salynǵan ınvestıtsııalar kólemi 457,2 mlrd. teńgege jetti, bul ótken jylǵy sáıkes kezeńge qaraǵanda 5,5 paıyzǵa artyq.
2012 jylǵy atalǵan eki aıynda ónerkásip óndirisiniń kólemi qoldanystaǵy baǵalarda 2625,1 mlrd. teńgeni qurady, bul 2011 jylǵy qańtar-aqpanǵa qaraǵanda 2,8 paıyzǵa artyq. Ken óndirý ónerkásibinde jáne karerlerdi qazýda óndiris kólemi 0,2 paıyzǵa, óńdeý ónerkásibinde - 7,6 paıyz, elektrmen jabdyqtaý, gaz, bý berý jáne aýa baptaýda 7,5 paıyzǵa artty. Sýmen jabdyqtaýda, káriz júıesi, qaldyqtardy jınaý jáne bólýdi baqylaýda - 11,6 paıyzǵa óndiris deńgeıiniń tómendeýi baıqaldy.
