2012 jylǵy «Han Shatyr arýy» «Álem arýy - 2012» halyqaralyq baıqaýyna qatysýdan bas tartty

Bul týraly «Ekspress-K» gazeti «Poshla v otkaz» maqalasynda jazdy.

«Álem arýy» halyqaralyq baıqaýyna Qazaqstan atynan sońǵy ret 2001 jyly Margarıta Kravtsova qatysyp, 3-inshi oryn alǵan bolatyn. Qazir ol «Qazaqstannyń Álem arýy» baıqaýynyń prodıýseri. Tamyz aıynda Kravtsova kastıng ótkizdi, onyń jeńimpazy «Álem arýy» halyqaralyq baıqaýyna attanýy tıis bolatyn.

«Svetlana Rasşýpkına bul baıqaýǵa qatysýdan bas tartqan joq. Durysy, biz,  uıymdastyrýshylar bul jaǵdaıda táýekelge barmaýdy sheshtik. Men ózim uqsas baıqaýǵa qatystym jáne onda kúrdeli jaǵdaılar bolýy múmkindigin bilemin. Negizinen, Svetlana - óte tamasha, talantty, kelbetti jáne aqyldy qyz. Sondyqtan da tańdaý oǵan tústi. Biraq onyń ýaqyt boıynsha sáıkessizdikteri boldy jáne osy jaǵdaıda biz bir-birimizdi túsinbedik. Іske jeke ómir aralasqanda, másele keıde qatysýshynyń paıdasyna sheshile bermeıdi. Biz Rasşýpkınamen jumys istemeý sheshimin qabyldadyq», - dedi Margarıta Kravtsova.

Kravtsova sondaı-aq, Qazaqstan «Álem arýy» halyqaralyq baıqaýyna kelesi jyly qatysatyndyǵyn qosyp ótti.