2012 jylǵy bıýdjetten mal sharýashylyǵyn damytýǵa 29,6 mlrd. teńge qarastyryldy - vıtse-mınıstr
ASTANA. 31 qańtar. QazAqparat /Qanat Mámetqazyuly/ - 2012 jyly mal sharýashylyǵynyń damýyn memlekettik qoldaýǵa bıýdjetten 29,6 mlrd. teńge qarastyryldy.
Búgin Aýyl sharýashylyǵy mınıstrliginde ótken brıfıng barysynda vıtse-mınıstr Múslim Ómirıaev osylaı málim etti.
Vıtse-mınıstrdiń aıtýynsha, aǵymdaǵy jyly sýbsıdııa mólsheri ótken jylmen salystyrǵanda 24 paıyzǵa ulǵaıǵan. «Elimizdegi mal sharýashylyǵyn memlekettik qoldaý eki baǵyt boıynsha júzege asyralytyn bolady. Birinshi - asyl tuqymdy mal sharýashylyǵyn qoldaý. Bul maqsatqa respýblıkalyq bıýdjetten 8,4 mlrd. teńge kóleminde qarajat bólindi. Bul qarajat asyl tuqymdy qoı, jylqy, shoshqa, túıe tólderine, asyl tuqymdy iri qara mal tóline, shetelden ákelinetin iri qara mal tóline jáne jumyrtqa men táýliktik balapan satyp alýǵa jumsalatyn bolady», - deıdi M. Ómirıaev.
Onyń aıtýynsha, 2012 jyly mal sharýashylyǵyn damytýdy memlekettik qoldaý sharasyna bıýdjetten 29,6 mlrd. teńge qarastyrylǵan. Onyń 21 mlrd. teńgesi mal sharýashylyǵy óniminiń sapasy men ónimdiligin joǵarylatýdy sýbsıdııalaýǵa joldanatyn bolady. Bul rette bıýdjettik sýbsıdııalar shubat, qymyz, jylqy, qoı, bııazy júndi qoı, sút, taýyq jumyrtqasy, kúrketaýyq pen etti qus eti, shoshqa, sıyr eti óndirisimen aınalysatyn taýar óndirýshilerge arnalyp otyr. Sonymen qosa baǵdarlama arqyly iri qara maldyń analyq basyn ósirý úshin paıdalanylatyn mal azyǵynyń qunyn ishinara sýbsıdııalaý kózdelgen.
