2012 jylǵy aýyl sharýashylyǵy ónimdiligi onyń aldyndaǵy jyldan 17 paıyz kem boldy - Statıstıka agenttigi
ASTANA. 15 qańtar. QazAqparat - 2012 jylǵy qańtar-jeltoqsanda aýyl sharýashylyǵy jalpy óniminiń kólemi 1938,8 mlrd. teńgeni qurap, 2011 jylǵy qańtar-jeltoqsanmen salystyrǵanda 17,8% kem túsken. Onyń sebebin statıstıka agenttiginiń tóraǵasy 2011 jylǵy astyq óniminiń rekordtyq nátıje kórsetkenimen túsindirdi.
Sondaı-aq, 2012 jylǵy qańtar-jeltoqsanda júk aınalymynyń kólemi 475,3 mlrd. t/km (kommertsııalyq júk tasymaldaýmen aınalysatyn jeke kásipkerlerdiń júk aınalymy kóleminiń baǵalaýy esebimen) qurap, 2011 jylǵy tıisti kezeńmen salystyrǵanda 7% ósti.
«2012 jylǵy qańtar-jeltoqsanda «Kólik» salasy boıynsha naqty kólem ındeksi 107,2%-dy qurady», dep atap ótti Álıhan Smaıylov.
Esepti kezeńde bólshek saýda kólemi (qoǵamdyq tamaqtandyrý aınalymynsyz) 4319,9 mlrd. teńgeni qurap, 2011 jylǵy qańtar-jeltoqsanmen salystyrǵanda 12,9% ósken.
Esepti kezeńde kóterme saýda kólemi 11735,2 mlrd. teńgeni qurap, 2011 jylǵy qańtar-jeltoqsanmen salystyrǵanda 15,2% artty.
Sondaı-aq, esepti kezeńde tamaq ónimderi men sýsyndardy usyný boıynsha qyzmetter kólemi 205,2 mlrd. teńgeni qurady jáne 2011 jylǵy qańtar-jeltoqsanmen salystyrǵanda 13,3% ósti.
