2012 jylǵa deıin Qazaqstanda JSN engizýdi tolyq júzege asyrýǵa bolady - Á. Amanbaev
ASTANA. Mamyrdyń 25-i. QazAqparat /Qanat Mámetqazyuly/ - 2012 jylǵa deıin Qazaqstan azamattarynyń qujattaryna jeke sáıkestendirý nómirin engizýdi tolyq júzege asyrýǵa bolady. Búgin «QR keıbir zańnamalyq aktilerine ıdentıfıkatsııalyq nómirler máseleleri boıynsha ózgerister men tolyqtyrýlar engizý týraly» zań jobasyn talqylaý barysynda QR Ádilet mınıstrligi Tirkeý qyzmeti jáne quqyqtyq kómek kórsetý komıtetiniń tóraǵasy Ámirhan Amanbaev osylaı málim etti,
dep habarlaıdy QazAqparat.
«Búgingi kúni Qazaqstanda JSN engizilýine baılanysty jeke qujattardy basyp shyǵaratyn mashınalardyń sany 4-eý ǵana. Olardyń ekeýi Almatyda, ekeýi Astanada ornalasqan. Sondyqtan da búgingi kúni zańda kórsetilgen merzimde jeke qujattardy basyp shyǵarý úshin atalǵan mashınalardyń qýaty jetkiliksiz bolyp otyr. Bul úshin taǵy da eki mashına satyp alý qajet, al oǵan keminde 280 mln. teńge kerek. Degenmen, depýtattar bastama jasaǵanyndaı JSN engizý merzimi 2012 jylǵa deıin uzartylatyn bolsa, buǵan tolyq kúshimiz jetedi dep oılaımyn», dedi Á. Amanbaev.
Mınıstrliktiń derekterine qaraǵanda, Qazaqstan azamattarynyń jeke kýálikteri men elektrondy tólqujattary frantsýzdyq fırmanyń mashınasynda basylyp shyǵatyn kórinedi.
