2012 jylǵa deıin aýyldyq jerlerde baılanystyń CDMA tehnologııasyn engizý úshin 52 bazalyq stansy salynady

Bul týraly búgin QR Parlamenti Májilisinde ótken Úkimet saǵatynda Aqparattandyrý jáne baılanys agenttiginiń tóraǵasy Qýanyshbek Esekeev málim etti, dep habarlaıdy QazAqparat.

«Aýyldyq jerlerdegi baılanys qyzmetin odan ári jetildire túsý úshin aldaǵy ýaqytta birqatar sharalar atqarylady. Búgingi kúni baılanysqa ujymdyq qoljetimdilik pýnktteri barlyq óńirlerde qamtylǵan. Biraq, bul suranysty qanaǵattandyrmaıtyny aıqyn. Sondyqtan da, qazirgi tańda 450 MGts dıapazony boıynsha jeliler bóldik. Osynyń aıasynda CDMA tehnologııasy boıynsha symsyz baılanystar júzege asatyn bolady. Búgingi kúni qoldanysqa engizilgen atalǵan jeliniń syıymdylyǵyna 195 myń 462 abonent qosylǵan. 2012 jylǵa deıin bundaı tehnologııamen Qazaqstannyń 14 obylysyndaǵy aýyldyq jerlerde 52 bazalyq stansy ornatylatyn bolady. Bunyń jalpy syıymdylyǵy shamamen 900 myńǵa jýyqtaıdy», dedi Q.Esekeev.

Onyń aıtýyna qaraǵanda, CDMA tehnologııasy aýyldyq jerlerde telefon jelilerin sandyq júıege kóshirýge múmkindik beredi ári sol boıynsha aýylda da Internet jelisine keńinen qoljetimdilik qamtamasyz etiledi.