2012 jyldyń úsh aıynda sanıtarlyq avıatsııanyń tikushaqtary 160 ret kómekke attandy - Densaýlyq mınıstrligi
ASTANA. 9 sáýir. QazAqparat - Sanıtarlyq avıatsııany úılestirý ortalyǵy 2012 jyldyń úsh aıynda atalmysh avıatsııalyq qyzmet túrin 160 ret paıdalanǵan.
Bul týraly Densaýlyq saqtaý mınıstrliginiń baspasóz qyzmeti habarlaıdy.
Shyǵys Qazaqstanda medıtsınalyq kómek avıatsııanyń kómegimen 37 ret, Atyraýda - 26, Jambyl oblysynda 15 ret paıdalanyldy. 2012 jyldyń úsh aıynda sanıtarlyq avıatsııanyń medıtsınalyq qyzmetkerleri 200-den astam naýqasqa kómek kórsetti. Joǵary mamandandyrylǵan kómek kórsetý maqsatynda 133 adam oblystyq, Astana, Almaty qalalaryndaǵy respýblıkalyq klınıkalarǵa jetkizildi.
Osy merzim ishinde sanıtarlyq avıatsııa dárigerleri 74 júkti jáne bosanǵan áıelge járdem jasap, olardyń 53-i áýe kóligimen aýrýhanalarǵa jetkizildi. Júkti jáne bosanǵan áıelderge kómek kórsetý úshin sanıtarlyq avıatsııa Shyǵys Qazaqstan oblysynda 15 ret, Ońtústik Qazaqstan oblysynda - 12, Atyraý oblysynda 11 ret shaqyryldy. Jańa týylǵan sábılerge, onyń ishinde týa bitken derti bar nárestelerdi qutqarý úshin áýe kólikteri 20 ret, bala jasyndaǵy patologııadan qutqarý úshin 30 ret shaqyrylyp, 40 naýqasqa kómek kórsetilgen. Jalpy alǵanda, sanıtarlyq avıatsııa qyzmeti jolǵa qoıylǵaly beri respýblıkalyq úılestirý ortalyǵy 483 ret kókke kóterilip, kómekke attandy.
