2012 jyldyń sońyna qaraı qurylys kompanııalary 3 sanatqa jikteledi
ASTANA. 28 shilde. QazAqparat - Elimizdegi barlyq qurylys kompanııalary 2012 jyldyń sońyna qaraı sanattar boıynsha resimdeletin bolady,
dep habarlady Qurylys jáne TKSh isteri jónindegi agenttiktiń memlekettik sáýlet-qurylys baqylaýy departamentiniń dırektory Ǵalymjan Ábdiraıymov pm.kz saıtyna bergen suhbatynda.
«Qazaqstanda qurylys-montaj jumystaryn júrgizýshi barlyq kompanııalar 3 sanatqa bólinetin bolady. Turǵyn úılerdi birinshi jáne ekinshi sanattaǵy kompanııalar salady»,- dedi Ǵ.Ábdiraıymov.
Onyń aıtýynsha, birinshi sanat boıynsha óz óndiristik bazalary bar, qurylys salasynda eń kem degende 10 jyldyq jumys tájirıbesine ıe jáne oń baǵa alǵan 10 nysandy iske qosqan kompanııalar qaıta rásimdeletin bolady.
Al ekinshi sanatqa jumys tájirıbesi 5 jyldan kem emes, oń baǵa alǵan 5 nysandy iske qosqan kompanııalar jatqyzylady. Al qalǵan kompanııalar úshinshi sanatpen resimdeledi, 80 paıyzyn quraıtyn ondaı kompanııalar birinshi jáne ekinshi sanattaǵy kompanııalardyń sýbmerdigerliginde jumys isteıtin bolady.
Departament dırektorynyń aıtýynsha, aǵymdaǵy jyly qurylys júrgizýshilerge 684 josparly tekserý júrgiziledi. Aǵymdaǵy jyldyń І jartyjyldyǵynyń qorytyndysy boıynsha, tekserýlerdiń 78 paıyzy júrgizildi, shilde aıynyń sońyna qaraı barlyq óńirlerdegi tekserýlerdi aıaqtaý josparlanyp otyr.
Qazirgi tańda respýblıkada 44 myń uıym qurylys-montaj jumystaryn júrgizýdiń memlekettik lıtsenzııasyna ıe, sanatqa bólý júıesi engizilýine baılanysty 10 myń kompanııa qaıta resimdeýden ótti.
