2012 jyldyń sońyna deıin Almatyny gazben tolyq qamtýdy aıaqtaımyz - Ázızhan Elemesov
ALMATY. 18 tamyz. QazAqparat /Erlik Erjanuly/ - Almatyda jańa avtokólikterge gaz quıý stansylary salynady. Bul týraly Almatyda ótip jatqan "Kólik tabıǵı gazben - Qazaqstan" dep atalatyn 2 kúndik forýmda sóz boldy.
"Almaty ákimdigimen jasalǵan memorandým boıynsha, 2012 jyldyń sońyna qaraı qalany gazdandyrýdy tolyq aıaqtaýymyz kerek. Bıyl Beıneý-Shymkent magıstraldyq gaz qubyry qurylysyn bastadyq. Batys Qazaqstan oblystaryndaǵy artyq gaz ońtústik óńirge jetkiziledi", - deıdi "QazTransGaz" AQ-nyń ınvestıtsııalyq departamenti dırektorynyń orynbasary Ázızhan Elemesov. Onyń aıtýynsha, Almaty respýblıkada eń birinshi bop ekologııalyq ahýaldy jaqsartýdyń keshendi baǵdarlamasyn jasady. Іlki joba qalada sátti júzege asyrylýda. Endi olar soltústik oblystardy gazdandyrý jobasymen aınalysýda.
