2012 jyldyń shildesinen bastap qyzatyn elektr shamdaryn paıdalanýǵa tyıym salynbaq
ASTANA. 27 tamyz. QazAqparat /Qanat Mámetqazyuly/ - 2012 jyldyń shildesinen bastap qyzatyn elektr shamdaryn paıdalanýǵa tyıym salynbaq. Búgin Úkimet otyrysynda «Energııa únemdeý jáne energııa tıimdiligin arttyrý týraly» zań jobasyn tanystyrǵan Indýstrııa jáne jańa tehnologııalar vıtse-mınıstri Nurlan Saýranbaev osylaı málim etti.
«Zań jobasy Qazaqstannyń ekonomıkasyn energııa tıimdiligi boıynsha qamtamasyz etý úshin energııa únemdeý salasynda ulttyq ınfraqurylym qalyptastyrýǵa negiz qalaıdy», - deıdi N. Saýranbaev. Onyń aıtýynsha, zań jobasy Qazaqstannyń jalpy ishki ónimindegi energııa qamtymdylyǵyn 2015 jylǵa qaraı 10, al 2020 jylǵa qaraı 25 paıyzǵa tómendetýge baǵyttalady. Bul negizinen energetıkalyq resýrstardy tıimdi paıdalaný esebinen júzege asatyn bolady. Budan bólek, zań jobasynda energııa únemdeý jónindegi retteý, yntalandyrý jáne ákimshilik sharalary qarastyrylady.
«Qujatqa sáıkes, memlekettik energetıkalyq reestr qurý qarastyrylady. Onda shartty otyndy belgili bir kórsetkishte balama túrde paıdalanatyn energetıka resýrstar sýbektileri engiziledi. Ondaı sýbektiler jyl saıyn energııa resýrstary men sýdy tutynýdy jyl saıyn energetıkalyq aýdıt qorytyndysymen anyqtalǵan mólsherde tómendetýge mindetteletin bolady. Budan bólek, qyzatyn elektr shamdarynyń satylymyna kezeń kezeńimen tıymdar salý kózdeledi. Atap aıtqanda, 2012 jyldyń 1 shildesinen qýattylyǵy 100 vatt jáne odan joǵary qyzatyn elektr shamdaryn paıdalanýǵa tıym salynady», - dedi vıtse-mınıstr.
