2012 jyldyń qańtar aıynan beri Internet baǵasy 27 paıyzǵa tómendetildi
ASTANA. 9 qyrkúıek. QazAqparat - Qazaqstanda 2012 jyldyń qańtar aıynan beri Internet jelisine bastapqy qosylý qyzmetteriniń baǵasy birshama arzandatyldy,
dep habarlady pm.kz saıtyna Kólik jáne kommýnıkatsııalar mınıstrliginiń baspasóz qyzmetinen.
« 2012 jyldyń qańtar aıynan bastap Internet jelisine bastapqy qosylý qyzmetteriniń maksımaldyq baǵasy baılanys operatorlary úshin (trafıkti qospaǵanda) - 27 paıyzǵa, al trafıkti qosa eseptegende - 35 paıyzǵa tómendetildi», - delingen vedomstvo habarlamasynda.
Oǵan qosa, oblys ákimdikteri men baılanys operatorlary «Wi-Fi» tehnologııasy boıynsha qoǵamdyq oryndarda Internet jelisine qosylý múmkindigin qamtamasyz etip otyr.
Aqparatqa súıensek, 2012 jyldyń І toqsanynda 406 qoǵamdyq orny Wi-Fi júıesine qosyldy, Internetke qosylý núktesi - 1894 núkteni qurady, onyń ishinde 1137 - tegin núkte.
Statıstıka agenttiginiń málimetine súıensek, 2008 - 2011 jyldar aralyǵynda Internet jelisin paıdalanýshylardyń kórsetkishi ár 100 adamǵa shaqqanda 15,1-den 50,6-ge deıin ósken.
