2012 jyldyń ІІІ toqsanynan bastap Qazaqstanda azamattardy tirkeý kitaby qoldanystan alynady

Bul týraly búgin Astanada ótken baspasóz máslıhatynda QR Baılanys jáne aqparat mınıstrligi Memlekettik qyzmetterdi avtomattandyrýdy baqylaý jáne Halyqqa qyzmet kórsetý ortalyǵy (HQKO) qyzmetin úılestirý komıtetiniń tóraǵasy Baqyt Ábishev málim etti.

Atalǵan ýaqyttan bastap qazaqstandyqtar azamattardy tirkeý kitabynyń ornyna mekenjaılyq anyqtamany usynsa jetkilikti bolady. Qazir mekenjaılyq anyqtamany beretin - Jeke tulǵalardyń memlekettik derekter qorynda saqtalǵan málimetterdi azamattardyń jeke bastaryn kýálandyratyn qujattarmen jáne tirkeý kitapshasyndaǵy málimettermen sáıkestendirý jumystary júrgizilýde.

«Derekterdi teksertý jáne túzetý úshin azamattar tirkeý kitaby men jeke kýálikterin alyp, kez kelgen HQKO-ǵa kelýi tıis. Málimetter sáıkes kelmegen jaǵdaıda oǵan túzetýler engiziledi», - dep atap ótti B.ÁBishev.

B.Ábishev, derekterdi sáıkestendirý jumystaryn 2012 jyldyń 15-16 qańtarynda ótetin saılaýlarǵa deıin aıaqtaýǵa keńes berdi. Sebebi, saılaýshylar daýys berý ýchaskelerine tirkelimderi boıynsha úlestiriledi. Mınıstrlik ókili, osyǵan baılanysty, HQKO-larda kezek sany artatynyn da joqqa shyǵarmady. Sharalar azamattardyń qolaılyǵy úshin jasalyp jatqandyqtan, oǵan túsinýshilikpen qaraýǵa shaqyrdy.

Onymen birge, aýyl turǵyndarynyń ýaqyty men jol shyǵyndaryn únemdeý maqsatynda 2011 jyldyń 1 jeltoqsanynan bastap mobıldi HQKO-lar aýyldyq eldi mekenderdi aralaı bastady. Sondaı-aq, mobıldi toptar iri kásiporyndar men oqý oryndaryn da aralaýdy josparlap otyr. Ol jerlerde derekterdi tekserý kadrlyq qyzmetter arqyly júrgiziletin bolady.

Sondaı-aq atap ótilgendeı, tirkeý derekteriniń durystyǵyn úıden shyqpaı-aq www.egov.kz portalynan da tekserýge bolady. Ol úshin portaldaǵy «Azamattar» bóliminen mekenjaıǵa qatysty qyzmet túri tańdap alynady, «Jeke tulǵalardyń mekenjaı málimetteri» bólimine jeke sáıkesendirý nómiri (JSN) men jeke basty kýálandyratyn negizgi qujattyń nómiri engizilip, suranym jiberiledi. Suranym jiberilgennen keıin Memlekettik derekter qoryndaǵy aqparat, naqtyraq aıtqanda, azamattyń aty, tegi, qaı jerde tirkelgendigi týraly derekter shyǵady. Eger bul málimetter durys bolmasa ony túzetý úshin HQKO-ǵa barýǵa týraly keledi.