2012 jyldyń І toqsanynda medıtsınalyq poıyzdar arqyly 89 stansanyń 234 myń turǵyny dárigerlik tekserýden ótti
ASTANA. 11 sáýir. QazAqparat - 2012 jyldyń І toqsanynda medıtsınalyq poıyzdar arqyly 89 stansanyń 234 myń turǵyny dárigerlik tekserýden ótti, dep habarlaıdy Densaýlyq saqtaý mınıstrliginiń baspasóz qyzmeti.
2012 jyldyń 1 toqsanynda «Salamatty Qazaqstan», «Densaýlyq» jáne «Járdem» medıtsınalyq konsýltatıvtik-dıagnostıkalyq poıyzdary respýblıkanyń barlyq óńirinde 89 stansanyń turǵyndaryna tekserý júrgizdi. Dárigerler 234 myń adamdy, onyń ishinde 7415 balany qarady. Qabyldaýlar sany 128 myńnan asady.
Osy kezeńde 82 myń dıagnostıkalyq tekserý, 183 myń shaǵyn ambýlatorııalyq operatsııa jasaldy. Mammolog mamandar 3,5 myńǵa tarta áıeldi qarap, 5 myńdaı turǵynǵa stomatologııalyq kómek kórsetildi. Medıtsınalyq poıyz dárigerleri 22 myń 301 aýrý túrin tirkedi, olardyń 2 myń 576-sy - balalar. 181 adamnan jańa isik túrleri anyqtalyp, 2 jaǵdaıda týberkýlez belgileri baıqaldy.
«Salamatty Qazaqstan», «Densaýlyq» jáne «Járdem» medıtsınalyq poıyzdarynyń jumysy nátıjesinde anyqtalǵan aýrýlardyń ishinde: as qorytý organdary, nesep-jynystyq júıe, qan aınalymy, tynys alý organdary, kóz, júıke jáne súıek-bulshyq etteri júıeleri aýrýlary jıi kezdesedi. Tekserý barysynda aýrý túrlerine baılanysty keıbir naýqastarǵa sol jerde tıisti dárigerlik kómek kórsetiledi. Al ári qaraı zertteýdi qajet etetin jaǵdaıda naýqastar jaqyn mańdaǵy emdeý mekemelerine jiberiledi. Medıtsınalyq poıyzdar jáne ondaǵy dáriger mamandar óte mańyzdy jáne jaýapty mindet atqarýda. Konsýltatıvtik-dıagnostıkalyq poıyzdardyń qyzmetteri halyq arasynda úlken suranysqa ıe bolyp otyr. Bul - atalǵan jobanyń ózektiligi men áleýmettik mańyzynyń dáleli.
