2012 jyldyń eki aıynda Astananyń «jedel járdemine» 79 myńnan astam adam júgindi

Bul týraly Densaýlyq saqtaý salasyn damytý respýblıkalyq ortalyǵynyń baspasóz qyzmetinen málim etti.

Berilgen málimetterge sáıkes, 79 myń naýqastyń 51 myńy shuǵyl medıtsınalyq kómekke derttiń kezdeısoq damýy, 6 myńǵa jýyǵy qan aınalym júıesiniń aýrýlary jáne 7,3 myńy tótenshe jaǵdaılarda alǵan jaraqattar boıynsha júgingen. 

Atalmysh ýaqyt aralyǵynda «jedel járdem» kólikteri halyqtan túsken qońyraýlar boıynsha 66 myń shaqyrtýǵa shyqty. Bul byltyrǵy jyldyń uqsas merzimimen salystyrǵanda 23 paıyzǵa kóp. Sonyń ishinde shaqyrtýlardyń úshten biri, ıaǵnı 23,7 myńnan astamy balalarǵa qatysty bolǵan. Sonymen qatar árbir 12-shaqyrtý (shamamen 9,5 myń) keńes berýmen baılanysty boldy. Bul 2011 jylmen salystyrǵanda 3 esege kóp.