2012 jyldyń birinshi toqsanynda taýarlar men qyzmet baǵalary ósti - Statıstıka agenttigi
ASTANA. 14 mamyr. QazAqparat - Tutyný baǵa ındeksi 2012 jylǵy sáýirde 2011 jylǵy jeltoqsanmen salystyrǵanda 101,7% qurady.
Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.
«Azyq-túlik taýarlaryna baǵalar - 2%, azyq-túlik emes taýarlar - 1,3%, aqyly qyzmetter kórsetýge - 1,8% artty. Ónerkásip ónimin óndirýshi kásiporyndar baǵalary 2012 jylǵy sáýirde 2011 jylǵy jeltoqsanmen salystyrǵanda 6,8% artty», - dedi Á. Smaıylov brıfıng barysynda.
Onyń atap ótkenindeı, 2012 jylǵy naýryzda halyqtyń ortasha jan basyna shaqqandaǵy ataýly aqshalaı tabystary baǵalaý boıynsha 50 myń 384 teńgeni qurady. Ósim 2011 jylǵy naýryzben salystyrǵanda ataýly aqshalaı tabystar úshin 18,5%, naqty aqshalaı tabystar úshin - 13,3% qurady.
«2012 jylǵy naýryzda qyzmetkerlerge eseptelgen ortasha aılyq ataýly jalaqy 100584 teńgeni qurady. 2011 jylǵy naýryzǵa qaraǵanda 15% ósti. Naqty jalaqy ındeksi 2011 jylǵy naýryzǵa 109,9% qurady», - dep túıindedi sózin agenttik basshysy.
