2012 jyldyń alǵashqy saǵattarynda Kcell/Activ abonentteri 12,2 mln.-ǵa jýyq qońyraý shalyp, 2,7 mln.-ǵa jýyq SMS joldady
ASTANA. 1 qańtar. QazAqparat - Jańa 2012 jyldyń alǵashqy saǵattarynda Kcell jáne Activ abonentteri jaqyndary men týystaryn 12,2 mıllıonǵa jýyq qońyraý jáne 2,7 mıllıonǵa jýyq SMS-habarlama arqyly quttyqtady.
Bul týraly uıaly baılanys operatorynyń PR-sarapshy Erkin Úderbaı málim etti.
Kompanııa óz jelileriniń ótkizý qabiletin ulǵaıtýǵa arnalǵan barlyq qajetti sharalardy aldyn ala ázirledi. Baılanysta týyndaýy múmkin máselelerdi jedel túrde sheshý úshin, kompanııanyń ondaǵan qyzmetkeri Jańa jyl túninde Qazaqstannyń barlyq aımaqtarynda jumys oryndarynda kezekshilik etti.
«Jańa jyl merekesi jyl saıyn jeli sapasynyń synaǵy bolyp tabylady. Ótken jyldardaǵydaı bıyl da bizdiń júıe júktemeni kótere bildi. Máselen, Jańa jyldyń alǵashqy saǵatynda-aq qońyraýlar sany 2011 jylmen salystyrǵanda 3 mıllıonǵa kóbeıdi» - dep atap ótti GSM Qazaqstan/Kcell bas atqarýshy dırektory Veısel Aral.
2012 jyldyń kirýine bir saǵat qalǵanda GSM Qazaqstan/Kcell abonentteri 11 mıllıonnan astam SMS joldady. Bul 2011 Jańa jylmen salystyrǵanda 4 esege artyq boldy. Al Ulý jylynyń alǵashqy tórt saǵatynda abonentter 35,8 mıllıonnan astam qońyraý shalyp, ótken jylǵy mejeni 10 mıllıonǵa asyrdy. Joldanǵan SMS sany byltyrǵy deńgeıge teńdeı boldy, olar 6,2 mıllıondy qurady.
