2012 jyldyń 15-shi qańtaryna taǵaıyndalǵan máslıhat depýtattarynyń kezekti saılaýyna 489 úmitker usynyldy - OSK
ASTANA. 2 jeltoqsan. QazAqparat /Aıdar Ospanalıev/ - Ortalyq saılaý komıssııasynyń málimetteri boıynsha, 2012 jyldyń 15 qańtaryna taǵaıyndalǵan máslıhat depýtattarynyń kezekti saılaýyna 489 úmitker usynyldy.
Bul derekterdi búgin Ortalyq saılaý komıssııasynyń kezekti otyrysynda atalmysh komıssııa tóraǵasy Qýandyq Turǵanqulov málim etti.
Usynylǵan azamattardyń 63-i - oblystyq málıhat depýtattyǵynan, 371-i - aýdandyq máslıhat depýtattyǵynan, 55-i qalalyq máslıhat depýtattyǵynan úmitti. «Máslıhattarǵa úmitkerlerdi usyný Qostanaı, Shyǵys Qazaqstan, Mańǵystaý jáne Aqmola oblystarynda belsendi júrip jatyr»,-dedi OSK tóraǵasy.
Onyń aıtýynsha, osy ýaqytta saılaý komıssııalary múshelerin oqytý jónindegi jumystar da jalǵasýda. Ýchaskelik saılaý komıssııalary múshelerin meılinshe tolyq qamtý maqsatynda elimizdiń barlyq óńirlerinde aýdan deńgeıinde birlesken semınarlar júrip jatyr.
