2012 jyldyń 1 aqpanynan bastap kólik quraldary men sanepıdqadaǵalaý nysandaryna sanıtarlyq qujat alý talaby joıylady
ASTANA. 14 qańtar. QazAqparat - Ákimshilik kedergilerdi tómendetý maqsatynda 2012 jyldyń 1 aqpanynan bastap kólik quraldaryna jáne sanıtarlyq-epıdemıologııalyq qadaǵalaý nysandaryna sanıtarlyq qujat alý talaby joıylatyn bolady.
Bul týraly QR Densaýlyq saqtaý mınıstrliginiń baspasóz qyzmetinen málim etti.
Buǵan deıin sanıtarlyq qujatty rásimdeý úshin nysandardy nemese kólik quraldaryn QR Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetiniń aýmaqtyq bólimsheleri tekserip, akti toltyryp, zerthanalyq-quraldyq tekserýler júrgizetin. Sanıtarlyq-epıdemıologııalyq talaptarǵa sáıkestigin Sanepıd saraptama ortalyqtary atqaryp keldi.
Zerthanalyq tekserýlerge ketetin shyǵyn ótinim bergen tarapqa júktelip keldi. Kólik quraldaryna beriletin sanıtarlyq qujattyń jaramdyq merzimi 1 jyl, al qadaǵalaý nysandaryna beriletin qujat merzimi 2 jyldy qurady.
Endi atalǵan nysandar men kólik quraldaryn paıdalaný quqyǵy osyǵan deıin berilgen sanıtarlyq-epıdemıologııalyq qorytyndy negizinde beriletin bolady.
Jeke kásipkerler men zańdy tulǵalar sanıtarlyq-epıdemıologııalyq qadaǵalaý nysandary men kólik quraldarynyń qaýipsizdigi úshin ózderi jaýap beredi. Jáne ol kommertsııalyq maqsatta jáne azamattardy, azyq-túlikti, óndiristik shıkizatty, sharýashylyq aýyz sýdy, hımııalyq, ýly, radıatsııalyq qaýipti zattardy temir jol, avtomobıl, áýe jáne teńiz kóligimen júzege asyratyn kásipkerlerge qatysty bolady.
