2012 jyldan beri aýyldyq kvotamen qansha maman oqýyn aıaqtady

NUR-SULTAN. QazAqparat – 2012 jyldan bastap 2020 jylǵa deıin memlekettik grant boıynsha aýyldyq kvotamen 22 625 jas maman oqýyn aıaqtady. Bul týraly Úkimet basshysy Asqar Mamın aıtty, dep habarlaıdy QazAqparat tilshisi.

Aıta keteıik, bıyl qazan aıynda senator Aqylbek Kúrishbaev óziniń depýtattyq saýalynda aýyl jastarynyń joǵary bilimge qol jetkizý problemasyn aıtty.

«2012 jyldan bastap aýyldyq kvota sheginde pedagogıkalyq, medıtsınalyq jáne veterınarııalyq mamandyqtar boıynsha oqýǵa túsken túlekter úshin aýyldyq jerlerde úsh jyldyq jumyspen óteýge qatysty norma qoldanylady. Osy normanyń qoldanysy 2012 jyldan bastap 2020 jylǵa deıin memlekettik grant boıynsha aýyldyq kvotamen 22 625 jas maman oqýyn aıaqtady», - delingen Úkimet basshysynyń saýalǵa bergen jaýabynda.

Onyń aıtýynsha, 2019 jyly 2285 jas maman oqýyn aıaqtaǵan, onyń 89,7%-y jumysqa ornalastyrylǵan, 2020 jyly 2043 adam oqýyn aıaqtap, sonyń 87,9%-y jumysqa turdy.

«Aýyl sharýashylyǵy» baǵyty boıynsha túlekterdi jumysqa ornalastyrý 2019 jyly - 65%-dy, 2020 jyly - 63,5%-dy qurady.