2012 jyldan bastap jeńildikpen berilip kelgen dári preparattary tegin bosatylady

dep habarlaıdy QR Densaýlyq saqtaý mınıstrligi «Respýblıkalyq densaýlyq saqtaý ortalyǵy» RMK dárilik aqparattyq ortalyǵynyń baspasóz qyzmeti.

QR «Salamatty Qazaqstan» memlekettik baǵdarlamasy aıasynda 2012 jyldan bastap naýqastarǵa 50 paıyzdyq jeńildikpen bosatylyp kelgen dári preparattary endi tegin beriledi. Densaýlyq saqtaý mınıstrliginiń málim etkenindeı, az qamtylǵan otbasylar men zeınetkerler úshin bul memleket tarapynan kórsetilgen úlken qolǵabys bolmaq.

«Sonymen qatar atalmysh dári-dármekter dárigerdiń qaraýynan keıin, dál sol emhana ishinen nemese jaqyn dárihanalardan beriletin bolady. Tegin dári-dármekterdi eldi mekenniń basqa aımaqtarynan izdep jatýdyń qajettiligi joıylmaq. Qazirdiń ózinde barlyq emhanalar men densaýlyq saqtaý mekemelerinde dárihana núkteleri ashylýda», - delingen habarlamada.

Emhanalar jappaı kompıýterlendirilýde jáne dárigerlerdiń elektrondy retseptileri engizilýde. Bul óz kezeginde dári jetkizilimi baǵytynda oryn alatyn keshigýler men olqylyqtardy aldyn alýǵa múmkindik bermek.

Aıta keteıik, halyqty tegin jáne jeńildikti dári-dármektermen qamtamasyz etý baǵdarlamasy Qazaqstanda 2005 jyldan beri júrgizilip keledi.