2012 jyldan bastap Qazaqstanǵa prokattalatyn barlyq fılmder mindetti túrde memlekettik tilge dýblıajdanatyn bolady
ASTANA. Jeltoqsannyń 11-i. QazAqparat /Qanat Mámetqazyuly/ - 2012 jyldan bastap Qazaqstanǵa prokattalatyn barlyq fılmder mindetti túrde memlekettik tilge dýblıajdanatyn bolady. Bul týraly QR Parlamenti Senatynyń jalpy otyrysynda «Mádenıet týraly» QR zańyna ózgerister men tolyqtyrýlar engizý týraly» zań jobasyn talqylaý barysynda QR Mádenıet jáne aqparat mınıstrliginiń jaýapty hatshysy Janna Qurmanǵalıeva málim etti,
dep habarlaıdy QazAqparat.
«Úkimettik nusqamen Májiliske usynylǵanda bul zań jobasynda elimizge ákelinetin barlyq fılmder qazaq tilinde tek dybystandyrylýy tıistigi jazylǵan bolatyn. Al Senattaǵy jumys tobynda bul norma kúsheıip, barlyq fılmderge qazaq tilinde kásibı deńgeıde dýblıaj jasalýy kerektigi, tek sondaı fılmder ǵana prokattalatyny anyq jazyldy», dedi J. Qurmanǵalıeva.
Jaýapty hatshynyń aıtýynsha, bundaı norma tek kınoteatrlardaǵy prokatqa ǵana emes, beınefılm prokattaryna da qatysty bolady.
