2012 jyldan bastap «Balapan» baǵdarlamasy boıynsha 1500 mektepaldy uıymdary iske qosylady
ASTANA. 8 tamyz. QazAqparat - 2014 jyly Qazaqstanda mektepaldy bilim berýmen 70 paıyz bala qamtylady. Atalǵan kórsetkish «Balapan» baǵdarlamasy boıynsha júrgizilip jatqan sharalar negizinde júzege asyrylady.
2012 jyldan bastap elimizdiń óńirlerinde 1548 bala baqsha men shaǵyn ortalyqtar iske qosylmaqshy, dep habarlady pm.kz saıty
Balalardy mektepaldy tárbıesimen jáne oqytýmen qamtý jónindegi 2010-2014 jyldarǵa arnalǵan «Balapan» baǵdarlamasyn Elbasynyń tapsyrmasy boıynsha Úkimet júzege asyrady. Baǵdarlamanyń negizgi maqsattarynyń biri - balalardy mektepaldy uıymdaryn salý, shaǵyn ortalyqtar ashý jáne jekemenshik balalar baqshalaryn ashýdy yntalandyrý arqyly qol jetkiziletin mektepke deıingi bilim berýmen qamtý.
Qazaqstanda iske qosylatyn balalar uıymdary sany jyl sanap artyp keledi. Mysalǵa, ústimizdegi jyldyń 6 aıy ishinde 2011 jyldyń birinshi jartyjyldyǵymen salystyrǵanda elimizdegi mektepaldy uıymdarynyń sany 1138 birlikke artty.
Jalpy, ótken 2010-2011 jyldary «Balapan» baǵdarlamasynyń arqasynda mektepaldy uıymdarynyń sany 3528 artty. Baǵdarlama júzege asyryla bastaǵaly balalar baqshalary men shaǵyn-ortalyqtarda 219 myńnan astam oryn ashyldy.
«2011-2014 jyldarǵa arnalǵan mektepaldy uıymdaryn birtindep iske qosý jospary» boıynsha 2012 jyldan bastap 272 balalar baqshasyn, 592 shaǵyn-ortalyqtar, 222 jekemenshik balalar baqshasyn jáne turǵyn úılerdiń birinshi qabatynda 38 uıymdar ashý jáne buryn jekeshelenip ketken 424 balalar baqshasyn iske qosý arqyly 1548 mektepaldy uıymdaryn iske qosý josparlanǵan.
«Balapan» baǵdarlamasynyń oń nátıjeleriniń biri - jeke menshik balalar baqshalarynyń kóptep ashylýy. Menshik túrine qaramastap, jan basyn qarjylandyrý ádisi boıynsha memlekettik tapsyrysty ornalastyrý - jekemenshik mektepaldy uıymdarynyń sany artýyna sebepker boldy. nátıjesinde, «Balapan» baǵdarlamasy jumys isteı bastaǵannan beri jekemenshik balabaqshalar sany 289 artyp, jalpy sany 499-ǵa jetti.
Memlekettik-jekemenshiktik seriktestik sheńberinde Qaraǵandy, Shyǵys Qazaqstan, Ońtústik Qazaqstan, Jambyl oblystarynda jáne Almaty qalasynda balalar baqshalary salynýda.
Osy jáne basqa da sharalar balalardy mektepaldy bilim berýmen qamtý 65,4 paıyzǵa, ósim 10,4 paıyzǵa jetýine sebep boldy. Eń joǵarǵy kórsetkish Qostanaı, Qaraǵandy jáne Batys Qazaqstan oblystarynda tirkelgen.
Jalpy, respýblıka boıynsha 587,8 myń bala qamtylǵan 8096 (2748 balalar baqshasy jáne 5348 shaǵyn-ortalyqtar) mektepaldy uıymdary jumys isteıdi.
