2012 jyldan bastap Almaty ýchaskelik dárigerlermen tolyq qamtamasyz etiledi
ALMATY. 24 qańtar. QazAqparat /Erlik Erjanuly/ - Almatyda medıtsınalyq joǵary oqý oryndary jetkilikti bolsa da densaýlyq saqtaý mekemelerinde mamandar az.
Bul jaıly búgin qalanyń 2010 jylǵy álemettik-ekonomıkalyq damýynyń qorytyndysyna arnalǵan májiliste aıtyldy.
Qalalyq densaýlyq saqtaý basqarmasynyń bastyǵy Erkin Dúrimbetovtyń aıtýynsha, densaýlyq saqtaý mekemelerindegi mamandarǵa degen tapshylyqty joıý máselesi Densaýlyq saqtaý mınıstrliginde alqa májilisinde qaralǵan. Onda medıtsınalyq ýnıversıtetterdi memlekettik tapsyrys boıynsha bitirgen mamandardy 3 jylǵa deıin densaýlyq saqtaý oryndarynda qyzmet jasaýǵa mindetteý jónindegi usynys qabyldanǵan. Endi aldaǵy jyldan bastap densaýlyq saqtaý mekemeleri ýchaskelik dárigerlermen tolyq qamtamasyz etiletin bolady.
"Qazirgi tańda densaýlyq saqtaý salasyna menedjment engizý maqsatynda №7 aýrýhanada ilki joba júzege asyrylyp jatyr. Onda sońǵy 4 aıda dárigerlerdiń aılyǵy 20 paıyzǵa ósti. Ortasha jalaqy 90-100 myń teńgeni quraıdy. Jalpy, bıylǵy jyly bıýdjette densaýlyq saqtaý salasyna 39 mıllıard teńge qarastyrylyp otyr. Onyń 18 mıllıardy respýblıkalyq bıýdjetten bólinbek", deıdi qalalyq densaýlyq saqtaý basqarmasynyń bastyǵy.
