2012-2015 jyldarǵa arnalǵan QR Qylmystyq atqarý júıesin damytý baǵdarlamasynyń jobasy maquldandy - Úkimet otyrysy
ASTANA. 28 mamyr. QazAqparat - Úkimet 2012-2015 jyldarǵa arnalǵan Qazaqstan Respýblıkasynyń Qylmystyq atqarý júıesin damytý baǵdarlamasynyń jobasyn maquldady.
Atalǵan qujatty búgin Mınıstrler kabınetiniń otyrysynda QR Іshki ister mınıstri Qalmuhanbet Qasymov tanystyrdy.
Mınıstrdiń atap ótýinshe, baǵdarlamada bas bostandyǵynan aıyrý túrindegi jazasyn ótep shyqqan adamdardy qaıta áleýmettendirýdiń tıimdiligin arttyrý jónindegi is-sharalar qaralǵan. Máselen, zańnamaǵa sáıkes sottalǵandardy ustaýdyń jeńildetilgen túrine aýystyrýdy keńinen qoldaný qarastyrylady. Osy maqsatta túzetý mekemeleri janynda arnaıy jataqhanalar salý kózdelýde. «Baǵdarlama sondaı-aq bas bostandyǵynan aıyrylǵan adamdardy áleýmettik beıimdeýge jáne turmystyq ornalastyrýdy qajet etetinderge baǵyttalǵan osy máseleni sheshýge halyqty eńbekpen jáne áleýmettik qamtý organdarynyń, jergilikti atqarý organdarynyń múmkinshilikteri paıdalanylatyn bolady»,-dedi mınıstr.
Q. Qasymovtyń atap ótýinshe, baǵdarlama aıasynda sottalǵandarǵa medıtsınalyq qyzmet kórsetýdi jaqsartý boıynsha sharalar qabyldanady. Jalpy 3 jyldyq baǵdarlamany júzege asyrýǵa 21,9 mlrd. teńge qajet. Onyń 7,5 mlrd. teńgesin mınıstrlik aǵymdaǵy jyly ıgerýdi maqsat etip otyr.
