2012-2013 oqý jylyna Nazarbaev Ýnıversıtetine 4178 talapker tirkeldi
ASTANA. 31 qańtar. QazAqparat - 2012-2013 oqý jylyna Nazarbaev Ýnıversıtetine 4178 talapker tirkeldi. Ýnıversıtet saıtynda 2011 jylǵy 9 qarashada bastalǵan tirkeý búgin qańtardyń 30-nan 31-ne qaraǵan túni aıaqtaldy.
Joǵary oqý ornynyń málimetine qaraǵanda, ótinimder Qazaqstannyń barlyq óńirlerinen jáne basqa elderden kelip tústi. Bul rette, tirkelgen úmitkerlerdiń 21,8 paıyzy - astanalyqtar, 18,7 paıyzy - almatylyqtar, 8 paıyzǵa jýyǵy - Ońtústik Qazaqstan oblysynan. Eń az tirkelgeni - Mańǵystaý (1,6 paıyz), Qostanaı (2 paıyz) jáne Soltústik Qazaqstan oblystarynan (2,1paıyz). Sonymen qosa, 45 ótinim basqa elderden tústi.
Tańdaǵan fakýltterdiń tiziminde talapkerlerdiń 38,7 paıyzy Gýmanıtarlyq jáne áleýmettik ǵylymdar mektebin (pándik emtıhandar: matematıka jáne synı turǵydan oılaý) tańdaǵan; Injenerııa mektebi (matematıka jáne fızıka) - 30 paıyz; Ǵylym jáne tehnologııalar mektebine (matematıka jáne fızıka, hımııa jáne bıologııa) - 20,6 paıyzy zeıin salyp otyr. Premedıtsınalyq baǵdarlamaǵa 10,5 paıyz talapker tirkeldi. 4178 talapkerdiń ishinde - 2158-i qyzdar bolsa, 2020-sy er balalar.
Taıaýda ýnıversıtet saıtynda aǵylshyn tilinen BCEPT atty birinshi emtıhan ótkizý kestesi shyǵady. Sonymen qosa, bıyl Nazarbaev Ýnıversıteti Foundation baǵdarlamasy boıynsha oqytýdy júrgizbeı-aq, stýdentterdi bakalavrıat baǵdarlamasyna tikeleı oqýǵa qabyldaıtyn bolady.
2011 jyly Nazarbaev Ýnıversıtetine 4247 talapker tirkeldi, olardyń 501-i Ýnıversıtet stýdentteri bolyp, oqýdy aǵymdaǵy jyldyń kúzinde bastady. 2012 jyly Qazaqstan azamattary úshin Nazarbaev Ýnıversıtetiniń Foundation baǵdarlamasynda oqýǵa taǵy da 500 memlekettik grant bólinýde.
