2011 jyly Ulttyq skrınıngilik baǵdarlama 7 mln.-nan astam adamdy qamtydy - Densaýlyq mınıstri
ASTANA. 20 aqpan. QazAqparat - 2011 jyly Ulttyq skrınıngilik baǵdarlama 7 mln.-nan astam adamdy qamtydy.
Onyń ishinde 1,2 mln. adamnan syrqat belgileri tabyldy. Bul týraly búgin QR Parlamenti Májilisinde ótken Úkimet saǵatynda Densaýlyq saqtaý mınıstri Salıdat Qaıyrbekova málim etti.
Mınıstrdiń aıtýynsha, ótken 2011 jyl Qazaqstan medıtsınasy tarıhyndaǵy asa mańyzdy jyldardyń biri boldy. Elimizdiń densaýlyq saqtaý salasyn damytýdyń memlekettik baǵdarlamasyn iske asyrýda josparlanǵan birqatar aýqymdy jumystardyń tabysty atqarylýy da osy jyly júzege asty. «Memleket basshysynyń densaýlyq saqtaý salasyna erekshe mán berip, Qazaqstan halqyna jyl saıynǵy Joldaýlarynda osy salaǵa arnaıy toqtalýy da halyqtyń densaýlyǵyn saqtaý, el azamattarynyń ómir jasyn uzartý máselesiniń udaıy kún tártibinen túspeıtinin aıqyn kórsetip otyr. Sonymen qosa, densaýlyq saqtaý máseleleri memlektetik saıasattyń basymdyǵy bolyp keledi jáne solaı qala beredi. Buǵan Qazaqstan Prezıdentiniń aǵymdaǵy jylǵy halyqqa Joldaýynda da barynsha mán berildi», - deıdi Salıdat Qaıyrbekova.
Vedomstvo basshysynyń aıtýynsha, mınıstrlik óziniń qyzmetiniń basty baǵdaryn azamattar arasyndaǵy ólim-jitim men múgedektiń aldyn alýǵa baǵyttaǵan. Sonymen qatar, básekege qabiletti 50 eldiń qataryna kirigý úshin jaqsartýy talap etiletin negizgi kórsetkishter ana men bala ólimin tómendetý, qan aınalymy júıesi aýrýlaryn, onkologııalyq, týberkýlez jáne jaraqat saldarynan bolatyn aýrý túrlerin azaıtý bolyp tabylady.
«Osy maqsattar úshin elimizde «Salamatty Qazaqstan» baǵdarlamasy aıasynda tuńǵysh ret úkimettik emes uıymdar arasynda 284 mln. teńgeniń memlekettik áleýmettik tapsyrystary ornalastyryldy. Al aǵymdaǵy jyly áleýmettik baǵdarlamalardy oryndaýǵa 303 mln. teńge bólinip otyr. Respýblıka aýmaǵynda Ulttyq skrınıngilik baǵdarlama endi. 2011 jyly skrınıngilik baǵdarlama 7 mln.-nan astam adamdy qamtydy. Onyń ishinde 1,2 mln. adamnan syrqat belgileri tabylyp, 600 myń adam ýaqytyly saýyqtyrýmen qamtyldy», - deıdi S. Qaıyrbekova.
